Vefverslanir koma ekki í stað sölumanna

Fréttir
11.11.2016

Samkeppnisumhverfi fyrirtækja á Íslandi tekur stöðugum breytingum með tilkomu nýrra samkeppnisaðila, vara og tækni. Mikilvægt er að rekstraraðilar hugi stöðugt að því að auka samkeppnishæfni sína og bæta þjónustu. Ein leið til þess er að setja upp vefverslun sem gerir viðskiptavinum kleift að kaupa vörur og þjónustu hvenær dags sem er.

Meiri tími í að veita góða þjónustu 

Algengur misskilningur er að vefverslanir stuðli að fækkun stöðugilda, og þá einkum sölumanna, en raunin er sú að vefverslanir breyta hlutverki sölumanna og gera þeim kleift að verja meiri tíma í að veita þjónustu. Þetta er meðal þess sem fram kom á morgunverðarfundi Advania um öflugri vopn í aukinni samkeppni.

Jón Ingi Einarsson, framkvæmdastjóri Ekrunnar og einn mælenda á fundinum, segir fyrirtækið hafa náð sölumarkmiðum vefverslunar sinnar ævintýralega snemma eftir opnun hennar: „Við fundum að vefverslunin kallar á breytta hegðun sölufulltrúa. Nú geta þeir snúið sér að því að veita viðskiptavinum betri upplifun, selja vefverslunina og heildarþjónustuna í stað þess að keyra á milli staða og taka pantanir.“  

Betri þjónusta - aukin sala

Þá tóku fyrirlesarar það sérstaklega fram að þeir hefðu góða reynslu af innleiðingu vefverslana sinna. Með þeim hafi gæði þjónustunnar aukist og salan sömuleiðis. „Íslenskt samkeppnisumhverfi kemur til með að breytast þó nokkuð á næstunni, ekki síst vegna komu bandaríska smásölurisans Costco“ segir Ægir Már Þórisson, forstjóri Advania á Íslandi. „Veflausnateymið okkar er skipað fólki sem hefur mikla reynslu af hönnun og uppsetningu vefverslana fyrir fyrirtæki af öllum stærðum og gerðum.“

Smelltu hér til að horfa á upptökur frá fundinum Öflugri vopn í aukinni samkeppni.  

 


Allar fréttir

16. 

júlí  

2018

Advania hlýtur þjónustuvottun frá Cisco

Advania á Íslandi hlaut nýlega vottun frá netbúnaðarbirgjanum Cisco fyrir að veita framúrskarandi sérfræðiþjónustu við lausnir frá Cisco. Vottunin nefnist Cloud and Managed Services Partner Master (CMSP) og er veitt þeim samstarfsaðilum Cisco sem uppfylla ströng skilyrði.

Lesa

11. 

júlí  

2018

Öflugri upplýsingatækni hjá Kynnisferðum

Kynnisferðir hafa falið Advania að hýsa og reka upplýsingakerfi fyrirtækisins. Mæta á þörfum viðskiptavina Kynnisferða enn betur með efldri upplýsingatækni.

Lesa

27. 

júní  

2018

Charlotte og Anna Þórdís til Advania

Tveir nýjir stjórnendaráðgjafar hafa gengið til liðs við Advania. Þær Charlotte Aström og Anna Þórdís Rafnsdóttir hafa verið ráðnar inn í ráðgjafateymið Advania Advice.

Lesa